Ghazwa khandaq

-
ﺷﻮﺍﻝ۔ ﺫﯼ ﺍﻟﻘﻌﺪﮦ 5 ﮪ ‏( ﻣﺎﺭﭺ 627 ﺀ ‏) ﻣﯿﮟ ﻣﺸﺮﮐﯿﻦِ ﻣﮑﮧ ﻧﮯ ﻣﺴﻠﻤﺎﻧﻮﮞ ﺳﮯ ﺟﻨﮓ ﮐﯽ ﭨﮭﺎﻧﯽ۔ ﺍﺑﻮﺳﻔﯿﺎﻥ ﻧﮯ ﻗﺮﯾﺶ ﺍﻭﺭ ﺩﯾﮕﺮ ﻗﺒﺎﺋﻞ ﺣﺘﯽٰ ﮐﮧ ﯾﮩﻮﺩﯾﻮﮞ ﺳﮯ ﺑﮭﯽ ﻟﻮﮔﻮﮞ ﮐﻮ ﺟﻨﮓ ﭘﺮ ﺭﺍﺿﯽ ﮐﯿﺎ ﺍﻭﺭ ﺍﺱ ﺳﻠﺴﻠﮯ ﻣﯿﮟ ﮐﺌﯽ ﻣﻌﺎﮨﺪﮮ ﮐﯿﮯ ﺍﻭﺭ ﺍﯾﮏ ﺑﮩﺖ ﺑﮍﯼ ﻓﻮﺝ ﺍﮐﭩﮭﯽ ﮐﺮ ﻟﯽ ﻣﮕﺮ ﻣﺴﻠﻤﺎﻧﻮﮞ ﻧﮯ ﺳﻠﻤﺎﻥ ﻓﺎﺭﺳﯽ ﮐﮯ ﻣﺸﻮﺭﮦ ﺳﮯ
ﻣﺪﯾﻨﮧ ﮐﮯ ﺍﺭﺩ ﮔﺮﺩ ﺍﯾﮏ ﺧﻨﺪﻕ ﮐﮭﻮﺩ ﻟﯽ۔ ﻣﺸﺮﮐﯿﻦِ ﻣﮑﮧ ﺍﻥ ﮐﺎ ﮐﭽﮫ ﻧﮧ ﺑﮕﺎﮌ ﺳﮑﮯ۔ ﺧﻨﺪﻕ ﮐﮭﻮﺩﻧﮯ ﮐﯽ ﻋﺮﺏ ﻣﯿﮟ ﯾﮧ ﭘﮩﻠﯽ ﻣﺜﺎﻝ ﺗﮭﯽ ﮐﯿﻮﻧﮑﮧ ﺍﺻﻞ ﻣﯿﮟ ﯾﮧ ﺍﯾﺮﺍﻧﯿﻮﮞ ﮐﺎ ﻃﺮﯾﻘﮧ ﺗﮭﺎ۔ ﺍﯾﮏ ﻣﺎﮦ ﮐﮯ ﻣﺤﺎﺻﺮﮮ ﺍﻭﺭ ﺍﭘﻨﮯ ﺑﮯ ﺷﻤﺎﺭ ﺍﻓﺮﺍﺩ ﮐﮯ ﻗﺘﻞ ﮐﮯ ﺑﻌﺪ ﻣﺸﺮﮐﯿﻦ ﻣﺎﯾﻮﺱ ﮨﻮ ﮐﺮ ﻭﺍﭘﺲ ﭼﻠﮯ ﮔﺌﮯ۔ ﺍﺳﮯ ﻏﺰﻭﮦ ﺧﻨﺪﻕ ﯾﺎ ﺟﻨﮓِ ﺍﺣﺰﺍﺏ ﮐﮩﺎ ﺟﺎﺗﺎ ﮨﮯ۔ ﺍﺣﺰﺍﺏ ﮐﺎ ﻧﺎﻡ ﺍﺱ ﻟﯿﮯ ﺩﯾﺎ ﺟﺎﺗﺎ ﮨﮯ ﮐﮧ ﺍﺻﻞ ﻣﯿﮟ ﯾﮧ ﮐﺌﯽ ﻗﺒﺎﺋﻞ ﮐﺎ ﻣﺠﻤﻮﻋﮧ ﺗﮭﯽ۔ ﺟﯿﺴﮯ ﺁﺝ ﮐﻞ ﺍﻣﺮﯾﮑﺎ، ﺑﺮﻃﺎﻧﯿﮧ ﻭﻏﯿﺮﮦ ﮐﯽ ﺍﺗﺤﺎﺩﯼ ﺍﻓﻮﺍﺝ ﮐﮩﻼﺗﯽ ﮨﯿﮟ۔ ﺍﺱ ﺟﻨﮓ ﮐﺎ ﺫﮐﺮ ﻗﺮﺁﻥ ﻣﯿﮟ ﺳﻮﺭۃ ﺍﻻﺣﺰﺍﺏ ﻣﯿﮟ ﮨﮯ۔
ﻏﺰﻭﮦ ﺧﻨﺪﻕ ﮐﮯ ﻣﻘﺎﻡ ﭘﺮ ﻣﺴﺠﺪ ﺳﻠﻤﺎﻥ ﻓﺎﺭﺳﯽ
ﭘﺲ ﻣﻨﻈﺮ
ﻏﺰﻭﮦ ﺧﻨﺪﻕ ﮐﮯ ﻣﻘﺎﻡ ﭘﺮ ﻣﺴﺠﺪ ﻓﺘﺢ ‏( ﺍﻭﭘﺮ ‏) ﺍﻭﺭ ﻣﺴﺠﺪ ﺳﻠﻤﺎﻥ ﻓﺎﺭﺳﯽ ‏( ﻧﯿﭽﮯ ‏)
ﺟﻨﮓ ﺍﺣﺪ ﮐﮯ ﺑﻌﺪ ﻗﺮﯾﺶ، ﯾﮩﻮﺩﯼ ﺍﻭﺭ ﻋﺮﺏ ﮐﮯ ﺩﯾﮕﺮ ﺑﺖ ﭘﺮﺳﺖ ﻗﺒﺎﺋﻞ ﮐﮯ ﺩﺭﻣﯿﺎﻥ ﻣﯿﮟ ﻃﮯ ﭘﺎﯾﺎ ﮐﮧ ﻣﻞ ﺟﻞ ﮐﺮ ﺍﺳﻼﻡ ﮐﻮ ﺧﺘﻢ ﮐﯿﺎ ﺟﺎﺋﮯ۔ ﺍﺱ ﺳﻠﺴﻠﮯ ﻣﯿﮟ ﭘﮩﻼ ﻣﻌﺎﮨﺪﮦ ﻗﺮﯾﺶ ﮐﮯ ﺳﺮﺩﺍﺭ ﺍﺑﻮﺳﻔﯿﺎﻥ ﺍﻭﺭ ﻣﺪﯾﻨﮧ ﺳﮯ ﻧﮑﺎﻟﮯ ﺟﺎﻧﮯ ﻭﺍﻟﮯ ﯾﮩﻮﺩﯼ ﻗﺒﯿﻠﮧ ﺑﻨﯽ ﻧﻀﯿﺮ ﮐﮯ ﺩﺭﻣﯿﺎﻥ ﻣﯿﮟ ﮨﻮﺍ۔ ﺍﺱ ﮐﮯ ﺑﻌﺪ ﺑﻨﯽ ﻧﻀﯿﺮ ﮐﮯ ﻧﻤﺎﺋﻨﺪﮮ ﻧﺠﺪ ﺭﻭﺍﻧﮧ ﮨﻮﺋﮯ ﺍﻭﺭ ﻭﮨﺎﮞ ﮐﮯ ﻣﺸﺮﮎ ﻗﺒﺎﺋﻞ ' ﻏﻄﻔﺎﻥ ' ﺍﻭﺭ ' ﺑﻨﯽ ﺳﻠﯿﻢ ' ﮐﻮ ﺍﯾﮏ ﺳﺎﻝ ﺗﮏ ﺧﯿﺒﺮ ﮐﺎ ﻣﺤﺼﻮﻝ ﺩﮮ ﮐﺮ ﻣﺴﻠﻤﺎﻧﻮﮞ ﮐﮯ ﺧﻼﻑ ﺟﻨﮓ ﭘﺮ ﺁﻣﺎﺩﮦ ﮐﯿﺎ۔
‏[ 1 ‏] ﺍﺳﻼﻡ ﮐﮯ ﺧﻼﻑ ﺍﺱ ﺍﺗﺤﺎﺩ ﮐﻮ ﻗﺮﺁﻥ ﻧﮯ ﺍﺣﺰﺍﺏ ﮐﺎ ﻧﺎﻡ ﺩﯾﺎ ﮨﮯ۔ ﺍﻥ ﻣﯿﮟ ﺍﺑﻮﺳﻔﯿﺎﻥ ﮐﯽ ﻗﯿﺎﺩﺕ ﻣﯿﮟ 4000 ﭘﯿﺪﻝ ﻓﻮﺟﯽ، 300 ﮔﮭﮍ ﺳﻮﺍﺭ ﺍﻭﺭ 1500 ﮐﮯ ﻗﺮﯾﺐ ﺷﺘﺮ ﺳﻮﺍﺭ ‏( ﺍﻭﻧﭩﻮﮞ ﭘﺮ ﺳﻮﺍﺭ ‏) ﺷﺎﻣﻞ ﺗﮭﮯ۔ ﺩﻭﺳﺮﯼ ﺑﮍﯼ ﻃﺎﻗﺖ ﻗﺒﯿﻠﮧ ﻏﻄﻔﺎﻥ ﮐﯽ ﺗﮭﯽ ﺟﺲ ﮐﮯ 1000 ﺳﻮﺍﺭ ﺍﻧﯿﻨﮧ ﮐﯽ ﻗﯿﺎﺩﺕ ﻣﯿﮟ ﺗﮭﮯ۔ ﺍﺱ ﮐﮯ ﻋﻼﻭﮦ ﺑﻨﯽ ﻣﺮﮦ ﮐﮯ 400 ، ﺑﻨﯽ ﺷﺠﺎﻉ ﮐﮯ 700 ﺍﻭﺭ ﮐﭽﮫ ﺩﯾﮕﺮ ﻗﺒﺎﺋﻞ ﮐﮯ ﺍﻓﺮﺍﺩ ﺷﺎﻣﻞ ﺗﮭﮯ۔ ﻣﺠﻤﻮﻋﯽ ﻃﻮﺭ ﭘﺮ ﺗﻌﺪﺍﺩ ﺩﺱ ﮨﺰﺍﺭ ﺳﮯ ﺗﺠﺎﻭﺯ ﮐﺮ ﮔﺌﯽ ﺟﻮ ﺍﺱ ﺯﻣﺎﻧﮯ ﻣﯿﮟ ﺍﺱ ﻋﻼﻗﮯ ﮐﮯ ﻟﺤﺎﻅ ﺳﮯ ﺍﯾﮏ ﺍﻧﺘﮩﺎﺋﯽ ﺑﮍﯼ ﻓﻮﺟﯽ ﻃﺎﻗﺖ ﺗﮭﯽ۔ ﯾﮧ ﻓﻮﺝ ﺗﯿﺎﺭ ﮨﻮ ﮐﺮ ﺍﺑﻮ ﺳﻔﯿﺎﻥ ﮐﯽ ﻗﯿﺎﺩﺕ ﻣﯿﮟ ﻓﺮﻭﺭﯼ ﯾﺎ ﻣﺎﺭﭺ 627 ﺀ ﻣﯿﮟ ﻣﺴﻠﻤﺎﻧﻮﮞ ﺳﮯ ﺟﻨﮓ ﮐﺮﻧﮯ ﮐﮯ ﻟﯿﮯ ﻣﺪﯾﻨﮧ ﺭﻭﺍﻧﮧ ﮨﻮ ﮔﺌﯽ۔ ‏[ 2 ‏] ‏[ 3 ‏]
ﺣﻀﺮﺕ ﻣﺤﻤﺪ ﺻﻠﯽ ﺍﻟﻠﮧ ﻋﻠﯿﮧ ﻭ ﺁﻟﮧ ﻭﺳﻠﻢ ﮐﻮ ﺍﺱ ﺳﺎﺯﺵ ﮐﺎ ﻋﻠﻢ ﮨﻮﺍ ﺗﻮ ﺁﭖ ﺻﻠﯽ ﺍﻟﻠﮧ ﻋﻠﯿﮧ ﻭ ﺁﻟﮧ ﻭﺳﻠﻢ ﻧﮯ ﺍﺻﺤﺎﺏ ﺳﮯ ﻣﺸﻮﺭﮦ ﮐﯿﺎ۔
ﺳﻠﻤﺎﻥ ﻓﺎﺭﺳﯽ ﻧﮯ ﺍﯾﮏ ﺩﻓﺎﻋﯽ ﺧﻨﺪﻕ ﮐﮭﻮﺩﻧﮯ ﮐﺎ ﻣﺸﻮﺭﮦ ﺩﯾﺎ ﺟﻮ ﻋﺮﺑﻮﮞ ﮐﮯ ﻟﯿﮯ ﺍﯾﮏ ﻧﺌﯽ ﺑﺎﺕ ﺗﮭﯽ۔ ﺣﻀﻮﺭ ﺻﻠﯽ ﺍﻟﻠﮧ ﻋﻠﯿﮧ ﻭ ﺁﻟﮧ ﻭﺳﻠﻢ ﮐﻮ ﯾﮧ ﻣﺸﻮﺭﮦ ﭘﺴﻨﺪ ﺁﯾﺎ ﭼﻨﺎﻧﭽﮧ ﺧﻨﺪﻕ ﮐﯽ ﺗﻌﻤﯿﺮ ﺷﺮﻭﻉ ﮨﻮ ﮔﺌﯽ۔ ﻣﺪﯾﻨﮧ ﮐﮯ ﺍﺭﺩﮔﺮﺩ ﭘﮩﺎﮌ ﺗﮭﮯ ﺍﻭﺭ ﮔﮭﺮ ﺍﯾﮏ ﺩﻭﺳﺮﮮ ﺳﮯ ﻣﺘﺼﻞ ﺗﮭﮯ ﺟﻮ ﺍﯾﮏ ﻗﺪﺭﺗﯽ ﺩﻓﺎﻋﯽ ﻓﺼﯿﻞ ﮐﺎ ﮐﺎﻡ ﮐﺮﺗﮯ ﺗﮭﮯ۔ ﺍﯾﮏ ﺟﮕﮧ ﮐﻮﮦِ ﻋﺒﯿﺪ ﮦ ﺍﻭﺭ ﮐﻮﮦ ﺭﺍﺗﺞ ﮐﮯ ﺩﺭﻣﯿﺎﻥ ﻣﯿﮟ ﺳﮯ ﺣﻤﻠﮧ ﮨﻮ ﺳﮑﺘﺎ ﺗﮭﺎ ﺍﺱ ﻟﯿﮯ ﻭﮨﺎﮞ ﺧﻨﺪﻕ ﮐﮭﻮﺩﻧﮯ ﮐﺎ ﻓﯿﺼﻠﮧ ﮐﯿﺎ ﮔﯿﺎ۔ ﺍﺱ ﮐﯽ ﮐﮭﺪﺍﺋﯽ ﻣﯿﮟ ﺣﻀﻮﺭ ﺻﻠﯽ ﺍﻟﻠﮧ ﻋﻠﯿﮧ ﻭ ﺁﻟﮧ ﻭﺳﻠﻢ ﺳﻤﯿﺖ ﺳﺐ ﻟﻮﮒ ﺷﺮﯾﮏ ﮨﻮﺋﮯ۔ ﺍﺱ ﺩﻭﺭﺍﻥ ﻣﯿﮟ ﺳﻠﻤﺎﻥ ﻓﺎﺭﺳﯽ ﻧﮩﺎﯾﺖ ﺟﻮﺵ ﻭ ﺧﺮﻭﺵ ﺳﮯ ﮐﺎﻡ ﮐﺮﺗﮯ ﺭﮨﮯ ﺍﻭﺭ ﺍﺱ ﻭﺟﮧ ﺳﮯ ﺍﻧﺼﺎﺭ ﮐﮩﻨﮯ ﻟﮕﮯ ﮐﮧ ﺳﻠﻤﺎﻥ ﮨﻢ ﻣﯿﮟ ﺳﮯ ﮨﯿﮟ ﺍﻭﺭ ﻣﮩﺎﺟﺮﯾﻦ ﮐﮩﻨﮯ ﻟﮕﮯ ﮐﮧ ﺳﻠﻤﺎﻥ ﮨﻢ ﻣﯿﮟ ﺳﮯ ﮨﯿﮟ۔ ﺍﺱ ﭘﺮ ﺣﻀﻮﺭ ﺻﻠﯽ ﺍﻟﻠﮧ ﻋﻠﯿﮧ ﻭ ﺁﻟﮧ ﻭﺳﻠﻢ ﻧﮯ ﻓﺮﻣﺎﯾﺎ ﮐﮧ ' ﺳﻠﻤﺎﻥ ﻣﯿﺮﮮ ﺍﮨﻞِ ﺑﯿﺖ ﺳﮯ ﮨﯿﮟ ' ۔ ﮐﮭﺪﺍﺋﯽ ﮐﮯ ﺩﻭﺭﺍﻥ ﻣﯿﮟ ﺳﻠﻤﺎﻥ ﻓﺎﺭﺳﯽ ﮐﮯ ﺳﺎﻣﻨﮯ ﺍﯾﮏ ﺑﮍﺍ ﺳﻔﯿﺪ ﭘﺘﮭﺮ ﺁ ﮔﯿﺎ ﺟﻮ ﺍﻥ ﺳﮯ ﺍﻭﺭ ﺩﻭﺳﺮﮮ ﺳﺎﺗﮭﯿﻮﮞ ﺳﮯ ﻧﮧ ﭨﻮﭨﺎ۔ ﺁﺧﺮ ﺣﻀﺮﺕ ﻣﺤﻤﺪ ﺻﻠﯽ ﺍﻟﻠﮧ ﻋﻠﯿﮧ ﻭ ﺁﻟﮧ ﻭﺳﻠﻢ ﺧﻮﺩ ﺗﺸﺮﯾﻒ ﻻﺋﮯ ﺍﻭﺭ ﮐﻠﮩﺎﮌﯼ ﮐﯽ ﺿﺮﺏ ﻟﮕﺎﺋﯽ۔ ﺍﯾﮏ ﺑﺠﻠﯽ ﺳﯽ ﭼﻤﮑﯽ ﺍﻭﺭ ﭘﺘﮭﺮ ﮐﺎ ﺍﯾﮏ ﭨﮑﺮﺍ ﭨﻮﭦ ﮐﺮ ﺍﻟﮓ ﮨﻮ ﮔﯿﺎ۔ ﺣﻀﻮﺭ ﺻﻠﯽ ﺍﻟﻠﮧ ﻋﻠﯿﮧ ﻭ ﺁﻟﮧ ﻭﺳﻠﻢ ﻧﮯ ﺗﮑﺒﯿﺮ ﺑﻠﻨﺪ ﮐﯽ۔ ﺩﻭﺳﺮﯼ ﺍﻭﺭ ﺗﯿﺴﺮﯼ ﺿﺮﺏ ﭘﺮ ﺑﮭﯽ ﺍﯾﺴﺎ ﮨﯽ ﮨﻮﺍ۔ ﺳﻠﻤﺎﻥ ﻓﺎﺭﺳﯽ ﻧﮯ ﺳﻮﺍﻝ ﮐﯿﺎ ﮐﮧ ﮨﺮ ﺩﻓﻌﮧ ﺑﺠﻠﯽ ﺳﯽ ﭼﻤﮑﻨﮯ ﮐﮯ ﺑﻌﺪ ﺁﭖ ﺗﮑﺒﯿﺮ ﮐﯿﻮﮞ ﺑﻠﻨﺪ ﮐﺮﺗﮯ ﮨﯿﮟ۔ ﺣﻀﻮﺭ ﺻﻠﯽ ﺍﻟﻠﮧ ﻋﻠﯿﮧ ﻭ ﺁﻟﮧ ﻭﺳﻠﻢ ﻧﮯ ﺟﻮﺍﺏ ﺩﯾﺎ ﮐﮧ ﺟﺐ ﭘﮩﻠﯽ ﺩﻓﻌﮧ ﺑﺠﻠﯽ ﭼﻤﮑﯽ ﺗﻮ ﻣﯿﮟ ﻧﮯ ﯾﻤﻦ ﺍﻭﺭ ﺻﻨﻌﺎﺀ ﮐﮯ ﻣﺤﻠﻮﮞ ﮐﻮ ﮐﮭﻠﺘﮯ ﺩﯾﮑﮭﺎ۔ ﺩﻭﺳﺮﯼ ﻣﺮﺗﺒﮧ ﺑﺠﻠﯽ ﭼﻤﮑﻨﮯ ﭘﺮ ﻣﯿﮟ ﻧﮯ ﺷﺎﻡ ﻭ ﻣﻐﺮﺏ ﮐﮯ ﮐﺎﺧﮩﺎﺋﮯ ﺳﺮﺥ ﮐﻮ ﻓﺘﺢ ﮨﻮﺗﮯ ﺩﯾﮑﮭﺎ ﺍﻭﺭ ﺟﺐ ﺗﯿﺴﺮﯼ ﺑﺎﺭ ﺑﺠﻠﯽ ﭼﻤﮑﯽ ﺗﻮ ﻣﯿﮟ ﻧﮯ ﺩﯾﮑﮭﺎ ﮐﮧ ﮐﺎﺧﮩﺎﺋﮯ ﮐﺴﺮﯼٰ ﻣﯿﺮﯼ ﺍﻣﺖ ﮐﮯ ﮨﺎﺗﮭﻮﮞ ﻣﺴﺨﺮ ﮨﻮ ﺟﺎﺋﯿﮟ ﮔﮯ ' ۔ ۔ ‏[ 4 ‏] ﺑﯿﺲ ﺩﻥ ﻣﯿﮟ ﺧﻨﺪﻕ ﻣﮑﻤﻞ ﮨﻮ ﮔﺌﯽ۔ ﺟﻮ ﺗﻘﺮﯾﺒﺎً ﭘﺎﻧﭻ ﮐﻠﻮﻣﯿﭩﺮ ﻟﻤﺒﯽ ﺗﮭﯽ، ﭘﺎﻧﭻ ﮨﺎﺗﮫ ‏( ﺗﻘﺮﯾﺒﺎً ﺳﻮﺍ ﺩﻭ ﺳﮯ ﮈﮬﺎﺋﯽ ﻣﯿﭩﺮ ‏) ﮔﮩﺮﯼ ﺗﮭﯽ ﺍﻭﺭ ﺍﺗﻨﯽ ﭼﻮﮌﯼ ﺗﮭﯽ ﮐﮧ ﺍﯾﮏ ﮔﮭﮍ ﺳﻮﺍﺭ ﺟﺴﺖ ﻟﮕﺎ ﮐﺮ ﺑﮭﯽ ﭘﺎﺭ ﻧﮧ ﮐﺮ ﺳﮑﺘﺎ ﺗﮭﺎ۔ ‏[ 5 ‏] ﻣﺴﻠﻤﺎﻧﻮﮞ ﮐﯽ ﺗﻌﺪﺍﺩ 3000 ﮐﮯ ﻗﺮﯾﺐ ﺗﮭﯽ ﺟﻮ ﭘﻨﺪﺭﮦ ﺳﺎﻝ ﺳﮯ ﺑﮍﮮ ﺗﮭﮯ ﺍﻭﺭ ﺟﻨﮓ ﻣﯿﮟ ﺣﺼﮧ ﻟﮯ ﺳﮑﺘﮯ ﺗﮭﮯ۔ ‏[ 2 ‏]
ﺟﻨﮓ
ﻏﺰﻭﮦ ﺧﻨﺪﻕ ﮐﺎ ﻣﻘﺎﻡ
ﺍﻧﺪﺭﻭﻧﯽ ﻣﺤﺎﺫ
ﺧﻨﺪﻕ ﮐﮭﺪﻧﮯ ﮐﮯ ﺗﯿﻦ ﺭﻭﺯ ﺑﻌﺪ ﺩﺷﻤﻦ ﮐﯽ ﻓﻮﺝ ﻣﺪﯾﻨﮧ ﭘﮩﻨﭻ ﮔﺌﯽ ﺍﻭﺭ ﺧﻨﺪﻕ ﺩﯾﮑﮫ ﮐﺮ ﻣﺠﺒﻮﺭﺍً ﺭﮎ ﮔﺌﯽ۔ ﺍﻥ ﮐﯽ ﻋﻈﯿﻢ ﻓﻮﺝ ﺍﺱ ﺧﻨﺪﻕ ﮐﯽ ﻭﺟﮧ ﺳﮯ ﻧﺎﮐﺎﺭﮦ ﮨﻮ ﮐﺮ ﺭﮦ ﮔﺌﯽ۔ ﮐﺌﯽ ﺩﻥ ﺗﮏ ﺍﻥ ﮐﮯ ﺳﭙﺎﮨﯽ ﺧﻨﺪﻕ ﮐﻮ ﭘﺎﺭ ﮐﺮﻧﮯ ﮐﯽ ﮐﻮﺷﺶ ﮐﺮﺗﮯ ﺭﮨﮯ۔
ﺑﯿﺮﻭﻧﯽ ﻣﺤﺎﺫ : ﺍﯾﻤﺎﻥ ﮐﻔﺮ ﮐﮯ ﻣﻘﺎﺑﻠﮯ ﭘﺮ
ﮐﭽﮫ ﺩﻥ ﮐﮯ ﺑﻌﺪ ﻋﻤﺮﻭ ﺍﺑﻦ ﻋﺒﺪ ﻭﺩ ﮐﯽ ﻗﯿﺎﺩﺕ ﻣﯿﮟ ﭘﺎﻧﭻ ﺳﻮﺍﺭﻭﮞ‏( ﻋﻤﺮﻭ ﺑﻦ ﻋﺒﺪ ﻭﺩ، ﻋﮑﺮﻣﮧ ﺑﻦ ﺍﺑﻮ ﺟﮩﻞ، ﺿﺮﺍﺭ ﺑﻦ ﺍﻟﺨﻄﺎﺏ، ﻧﻮﻓﻞ ﺑﻦ ﻋﺒﺪ ﺍﻟﻠﮧ ﺍﻭﺭ ﺍﺑﻦ ﺍﺑﯽ ﻭﮬﺐ ‏) ﻧﮯ ﺧﻨﺪﻕ ﮐﻮ ﺍﯾﮏ ﮐﻢ ﭼﻮﮌﯼ ﺟﮕﮧ ﺳﮯ ﭘﺎﺭ ﮐﺮ ﻟﯿﺎ۔ ﻋﻤﺮﻭ ﺑﻦ ﻋﺒﺪ ﻭﺩ ﻋﺮﺏ ﮐﺎ ﻣﺸﮩﻮﺭ ﺳﻮﺭﻣﺎ ﺗﮭﺎ ﺍﻭﺭ ﺍﺱ ﮐﯽ ﺩﮨﺸﺖ ﺳﮯ ﻟﻮﮒ ﮐﺎﻧﭙﺘﮯ ﺗﮭﮯ۔ ﺍﺱ ﻧﮯ ﺳﭙﺎﮦ ﺍﺳﻼﻡ ﮐﺎ ﻟﻠﮑﺎﺭ ﮐﺮ ﺟﻨﺖ ﮐﺎ ﻣﺬﺍﻕ ﺑﻨﺎﺗﮯ ﮨﻮﺋﮯ ﮐﮩﺎ ﮐﮧ ' ﺍﮮ ﺟﻨﺖ ﮐﮯ ﺩﻋﻮﯾﺪﺍﺭﻭ ﮐﮩﺎﮞ ﮨﻮ؟ ﮐﯿﺎ ﮐﻮﺋﯽ ﮨﮯ ﺟﺴﮯ ﻣﯿﮟ ﺟﻨﺖ ﮐﻮ ﺭﻭﺍﻧﮧ ﮐﺮ ﺩﻭﮞ ﯾﺎ ﻭﮦ ﻣﺠﮭﮯ ﺩﻭﺯﺥ ﻣﯿﮟ ﺑﮭﯿﺞ ﺩﮮ ' ﺍﻭﺭ ﺍﭘﻨﯽ ﺑﺎﺕ ﮐﯽ ﺗﮑﺮﺍﺭ ﮐﺮﺗﺎ ﺭﮨﺎ۔ ﺣﻀﻮﺭ ﺻﻠﯽ ﺍﻟﻠﮧ ﻋﻠﯿﮧ ﻭ ﺁﻟﮧ ﻭﺳﻠﻢ ﻧﮯ ﻓﺮﻣﺎﯾﺎ ﮐﮧ ' ﮐﻮﺋﯽ ﮨﮯ ﺟﻮ ﺍﺱ ﮐﮯ ﺷﺮ ﮐﻮ ﮨﻤﺎﺭﮮ ﺳﺮﻭﮞ ﺳﮯ ﺩﻭﺭ ﮐﺮﮮ؟ ' ۔ ﻋﻠﯽ ﻧﮯ ﺁﻣﺎﺩﮔﯽ ﻇﺎﮨﺮ ﮐﯽ۔ ﺍﺱ ﻭﻗﺖ ﺣﻀﻮﺭ ﺻﻠﯽ ﺍﻟﻠﮧ ﻋﻠﯿﮧ ﻭ ﺁﻟﮧ ﻭﺳﻠﻢ ﻧﮯ ﺍﻥ ﮐﻮ ﺍﺟﺎﺯﺕ ﻧﮧ ﺩﯼ ﺍﻭﺭ ﺩﻭﺳﺮﯼ ﺍﻭﺭ ﭘﮭﺮ ﺗﯿﺴﺮﯼ ﺩﻓﻌﮧ ﭘﻮﭼﮭﺎ۔ ﺗﯿﻨﻮﮞ ﺩﻓﻌﮧ ﻋﻠﯽ ﮨﯽ ﺗﯿﺎﺭ ﮨﻮﺋﮯ۔ ﺣﻀﻮﺭ ﺻﻠﯽ ﺍﻟﻠﮧ ﻋﻠﯿﮧ ﻭ ﺁﻟﮧ ﻭﺳﻠﻢ ﻧﮯ ﺍﻧﮩﯿﮟ ﺍﭘﻨﺎ ﻋﻤﺎﻣﮧ ﺍﻭﺭ ﺗﻠﻮﺍﺭ ﻋﻄﺎ ﮐﯽ ﺍﻭﺭ ﻓﺮﻣﺎﯾﺎ ﮐﮧ ' ﮐﻞ ﺍﯾﻤﺎﻥ ﮐﻞ ﮐﻔﺮ ﮐﮯ ﻣﻘﺎﺑﻠﮯ ﭘﺮ ﺟﺎ ﺭﮨﺎ ﮨﮯ ' ۔ ﺍﯾﮏ ﺳﺨﺖ ﺟﻨﮓ ﺟﺲ ﮐﮯ ﺩﻭﺭﺍﻥ ﻣﯿﮟ ﮔﺮﺩﻭ ﻏﺒﺎﺭ ﭼﮭﺎ ﮔﯿﺎ ﺗﮭﺎ ﻧﻌﺮﮦ ﺗﮑﺒﯿﺮ ﮐﯽ ﺁﻭﺍﺯ ﺁﺋﯽ۔ ﺣﻀﻮﺭ ﺻﻠﯽ ﺍﻟﻠﮧ ﻋﻠﯿﮧ ﻭ ﺁﻟﮧ ﻭﺳﻠﻢ ﻧﮯ ﻓﺮﻣﺎﯾﺎ ﮐﮧ ' ﺧﺪﺍ ﮐﯽ ﻗﺴﻢ ﻋﻠﯽ ﻧﮯ ﺍﺳﮯ ﻗﺘﻞ ﮐﺮ ﺩﯾﺎ ﮨﮯ ' ۔ ﻋﻤﺮﻭ ﺑﻦ ﻋﺒﺪ ﻭﺩ ﮐﮯ ﻗﺘﻞ ﮐﯽ ﺩﮨﺸﺖ ﺍﺗﻨﯽ ﺗﮭﯽ ﮐﮧ ﺍﺱ ﮐﮯ ﺑﺎﻗﯽ ﺳﺎﺗﮭﯽ ﻓﻮﺭﺍً ﻓﺮﺍﺭ ﮨﻮﻧﮯ ﻟﮕﮯ۔ ﻧﻮﻓﻞ ﺑﻦ ﻋﺒﺪ ﺍﻟﻠﮧ ﻓﺮﺍﺭ ﮨﻮﺗﮯ ﻭﻗﺖ ﺧﻨﺪﻕ ﻣﯿﮟ ﮔﺮ ﮔﯿﺎ ﺟﺴﮯ ﻧﯿﭽﮯ ﺍﺗﺮ ﮐﺮ ﻋﻠﯽ ﻧﮯ ﻗﺘﻞ ﮐﺮ ﺩﯾﺎ۔ ﺑﺎﻗﯽ ﻓﺮﺍﺭ ﮨﻮ ﮔﺌﮯ۔ ﺣﻀﻮﺭ ﺻﻠﯽ ﺍﻟﻠﮧ ﻋﻠﯿﮧ ﻭ ﺁﻟﮧ ﻭﺳﻠﻢ ﻧﮯ ﻓﺮﻣﺎﯾﺎ ﮐﮧ ' ﺭﻭﺯِ ﺧﻨﺪﻕ ﻋﻠﯽ ﮐﯽ ﺿﺮﺏ ﺗﻤﺎﻡ ﺟﻦ ﻭ ﺍﻧﺲ ﮐﯽ ﻋﺒﺎﺩﺕ ﺳﮯ ﺍﻓﻀﻞ ﮨﮯ ' ۔ ‏[ 6 ‏]
ﺍﺣﺰﺍﺏ ﻣﯿﮟ ﭘﮭﻮﭦ
ﺟﺐ ﻣﺤﺎﺻﺮﮦ ﻃﻮﻝ ﭘﮑﮍ ﮔﯿﺎ ﺗﻮ ﺑﻨﯽ ﻗُﺮﯾﻈﮧ، ﻗﺮﯾﺶ، ﻏﻄﻔﺎﻥ ﺍﻭﺭ ﺩﻭﺳﺮﮮ ﻗﺒﺎﺋﻞ ﻣﯿﮟ ﺍﺧﺘﻼﻓﺎﺕ ﻧﻤﻮﺩﺍﺭ ﮨﻮﻧﺎ ﺷﺮﻭﻉ ﮨﻮ ﮔﺌﮯ ﺍﻭﺭ ﺑﺪﺩﻟﯽ ﭘﮭﯿﻞ ﮔﺌﯽ۔ ﺍﯾﮏ ﺩﻭﺳﺮﮮ ﮐﮯ ﺑﺎﺭﮮ ﻣﯿﮟ ﺑﺪﮔﻤﺎﻧﯽ ﭘﯿﺪﺍ ﮨﻮ ﮔﺌﯽ ﺍﻭﺭ ﺍﯾﺴﮯ ﻟﻮﮒ ﺳﺎﻣﻨﮯ ﺁﻧﮯ ﻟﮕﮯ ﺟﻮ ﺟﻨﮓ ﺟﺎﺭﯼ ﺭﮐﮭﻨﮯ ﮐﮯ ﺣﺎﻣﯽ ﻧﮩﯿﮟ ﺗﮭﮯ۔ ﺍﻥ ﺍﺧﺘﻼﻓﺎﺕ ﻧﮯ ﺍﻧﮩﯿﮟ ﺁﭘﺲ ﮨﯽ ﻣﯿﮟ ﻣﺼﺮﻭﻑ ﺭﮐﮭﺎ ﯾﮩﺎﮞ ﺗﮏ ﮐﮧ ﺧﺪﺍﺋﯽ ﻣﺪﺩ ﺁ ﮔﺌﯽ۔
ﺧﺪﺍﺋﯽ ﻣﺪﺩ
ﺍﯾﮏ ﺭﺍﺕ ﺷﺪﯾﺪ ﺍﻭﺭ ﺳﺮﺩ ﺁﻧﺪﮬﯽ ﭼﻠﯽ ﺟﺲ ﻧﮯ ﻣﺸﺮﮐﯿﻦ ﮐﮯ ﺧﯿﻤﻮﮞ ﮐﻮ ﺍﮐﮭﺎﮌ ﭘﮭﯿﻨﮑﺎ ﺍﻭﺭ ﺍﻥ ﮐﯽ ﺭﻭﺷﻨﯿﺎﮞ ﺑﺠﮭﺎ ﺩﯾﮟ۔ ﺷﺪﯾﺪ ﮔﺮﺩﻭ ﻏﺒﺎﺭ ﺳﮯ ﻓﻀﺎ ﺗﺎﺭﯾﮏ ﮨﻮ ﮔﺌﯽ۔۔ ‏[ 7 ‏] ﻣﺸﺮﮐﯿﻦ ﻧﮯ ﻓﺮﺍﺭ ﮨﻮﻧﮯ ﮐﻮ ﺗﺮﺟﯿﺢ ﺩﯼ ﺍﻭﺭ ﻣﮑﮧ ﮐﯽ ﻃﺮﻑ ﺭﻭﺍﻧﮧ ﮨﻮ ﮔﺌﮯ۔ 22 ﺫﯼ ﺍﻟﻘﻌﺪﮦ ﺑﺪﮪ ﮐﮯ ﺩﻥ ﺗﮏ ﻟﺸﮑﺮِ ﮐﻔﺎﺭ ﻣﯿﮟ ﺳﮯ ﮐﻮﺋﯽ ﺑﮭﯽ ﺑﺎﻗﯽ ﻧﮧ ﺭﮨﺎ ﺍﻭﺭ ﺷﺪﯾﺪ ﻣﺎﻟﯽ ﻭ ﺟﺎﻧﯽ ﻧﻘﺼﺎﻥ ﮐﮯ ﺑﻌﺪ ﺍﻥ ﮐﮯ ﮨﺎﺗﮫ ﮐﭽﮫ ﻧﮧ ﺁﯾﺎ۔ ﺣﻀﻮﺭ ﺻﻠﯽ ﺍﻟﻠﮧ ﻋﻠﯿﮧ ﻭ ﺁﻟﮧ ﻭﺳﻠﻢ ﻧﮯ ﺍﺟﺎﺯﺕ ﺩﮮ ﺩﯼ ﮐﮧ ﻣﺴﻠﻤﺎﻥ ﻣﺤﺎﺫ ﮐﻮ ﭼﮭﻮﮌ ﮐﺮ ﺍﭘﻨﮯ ﮔﮭﺮﻭﮞ ﮐﻮ ﭼﻞ ﺩﯾﮟ۔ ‏[ 8 ‏]
ﻧﺘﺎﺋﺞ
ﺍﺱ ﺟﻨﮓ ﻣﯿﮟ ﻣﺴﻠﻤﺎﻧﻮﮞ ﮐﮯ ﭼﮫ ﺍﻓﺮﺍﺩ ﺷﮩﯿﺪ ﮨﻮﺋﮯ۔ ﻣﺸﺮﮐﯿﻦ ﮐﮯ ﺁﭨﮫ ﺳﮯ ﺯﯾﺎﺩﮦ ﺍﻓﺮﺍﺩ ﮨﻼﮎ ﮨﻮﺋﮯ۔ ﻣﺎﻟﯽ ﻧﻘﺼﺎﻥ ﺑﮩﺖ ﺷﺪﯾﺪ ﺗﮭﺎ۔ ﯾﮧ ﻣﺴﻠﻤﺎﻧﻮﮞ ﮐﯽ ﺷﺎﻧﺪﺍﺭ ﻓﺘﺢ ﺗﮭﯽ ﺟﺲ ﻣﯿﮟ ﺧﻨﺪﻕ ﮐﮭﻮﺩﻧﮯ ﮐﯽ ﺗﺪﺑﯿﺮ ﺑﮍﯼ ﮐﺎﻡ ﺁﺋﯽ۔ ﻣﺸﺮﮐﯿﻦ ﺑﮩﺖ ﺩﯾﺮ ﺗﮏ ﺍﺱ ﺟﻨﮓ ﮐﮯ ﺍﺛﺮﺍﺕ ﺳﮯ ﺳﻨﺒﮭﻞ ﻧﮧ ﺳﮑﮯ۔ ﺍﺱ ﺟﻨﮓ ﮐﮯ ﺑﺎﺭﮮ ﻣﯿﮟ ﺳﻮﺭۃ ﺍﺣﺰﺍﺏ ﻣﯿﮟ ﺁﯾﺎﺕ 9 ﺳﮯ 25 ﻧﺎﺯﻝ ﮨﻮﺋﯿﮟ۔
ﭘﯿﺶ ﻣﻨﻈﺮ
ﺍﺱ ﺟﻨﮓ ﺳﮯ ﺍﯾﮏ ﺑﺎﺕ ﻭﺍﺿﺢ ﮨﻮ ﮔﺌﯽ ﮐﮧ ﯾﮩﻮﺩﯾﻮﮞ ﭘﺮ ﺍﻋﺘﻤﺎﺩ ﭨﮭﯿﮏ ﻧﮩﯿﮟ۔ ﯾﮩﻮﺩﯼ ﻗﺒﯿﻠﮧ ﺑﻨﯽ ﻗﺮﯾﻈﮧ ﮐﯽ ﻋﮩﺪ ﺷﮑﻨﯽ ﻧﮯ ﻣﺴﻠﻤﺎﻧﻮﮞ ﮐﯽ ﺁﻧﮑﮭﯿﮟ ﮐﮭﻮﻝ ﺩﯾﮟ۔ ﭼﻨﺎﻧﭽﮧ ﺍﺱ ﮐﮯ ﺑﻌﺪ ﻣﺴﻠﻤﺎﻧﻮﮞ ﻧﮯ ﺑﻨﯽ ﻗﺮﯾﻈﮧ ﮐﻮ ﺳﺒﻖ ﺳﮑﮭﺎﻧﮯ ﮐﯽ ﭨﮭﺎﻧﯽ ﺍﻭﺭ ﻏﺰﻭﮦ ﺧﻨﺪﻕ ﮐﮯ ﻓﻮﺭﺍً ﺑﻌﺪ ﺧﺪﺍﺋﯽ ﺍﺣﮑﺎﻡ ﮐﮯ ﺗﺤﺖ ﺍﻥ ﮐﮯ ﺳﺎﺗﮫ ﺟﻨﮓ ﮐﯽ ﺟﺴﮯ ﻏﺰﻭﮦ ﺑﻨﯽ ﻗﺮﯾﻈﮧ ﮐﮩﺘﮯ ﮨﯿﮟ۔
ﺣﻮﺍﻟﮯ
.1 ↑ ﺗﺎﺭﯾﺦ ﻃﺒﺮﯼ ﺟﻠﺪ 2 ﺻﻔﺤﮧ 566
.2 ^ ﺍ ﺏ ﺍﻟﺴﯿﺮۃ ﺍﻟﻨﺒﻮﯾۃ ﺍﺯ ﺍﺑﻦ ﮨﺸﺎﻡ ﺻﻔﺤﮧ 234
.3 ↑ ﺍﻟﺴﯿﺮۃ ﺍﻟﺤﻠﺒﯿﮧ
.4 ↑ ﺗﺎﺭﯾﺦ ﻃﺒﺮﯼ ﺟﻠﺪ 2 ﺻﻔﺤﮧ 569
.5 ↑ ﺗﺎﺭﯾﺦ ﯾﻌﻘﻮﺑﯽ ﺟﻠﺪ 2 ﺻﻔﺤﮧ 50
.6 ↑ ﻣﺴﺘﺪﺭﮎ ﺣﺎﮐﻢ ﺟﻠﺪ 3 ﺻﻔﺤﮧ